‘१२ गाउँ’ दशैंको फूलपातिमा प्रदर्शन हुने

काठमाडौँ, ३० साउन । अभिनेता विराज भट्ट निर्देशित चलचित्र ‘१२ गाउँ’ पनि दशैंको फूलपातिमा  प्रदर्शन हुने भएको छ । 

चलचित्रको  टिजर पोस्टर सार्वजनिक गर्दै  भट्टले चलचित्र प्रदर्शन मितिको  घोषणा गरेका हुन् । यसका साथै दशैंको फूलपाती अर्थात् असोज २४ गते बक्स अफिसमा नेपाली चलचित्रबीच त्रिपक्षीय भिडन्त हुने भएको छ । अब फूलपातीमा  ‘१२ गाउँ’सहित ‘छक्कापञ्जा ५’ र ‘ज्वाइँ साब’ पनि प्रदर्शन हुनेछन् ।

यसमा भट्ट पनि मुख्य भूमिकामा छन् भने पूर्वमिस नेपाल इन्टरनेशनल न्यान्सी खड्का, मोडल सनिशा भट्टराई, मुरलीधर, दीया मास्के, अर्जुन जंग शाही, कनिज कोइराला, नरेन खड्का, कृष्ण भट्ट लगायतको अभिनय रहेको छ ।