गोलकिपर शेखको शानदार प्रदर्शन संगै नेपाल उपधि नजिक

काठमाण्डौ ९ भदौ । नेपाल साफ यू– २० च्याम्पियनसिपको फाइलनमा प्रवेश गरेको छ । सेमिफाइनलमा भुटानलाई पेनाल्टी सुटआउटमा पराजित गर्दै नेपाल फाइनलमा प्रवेश गरेको हो ।
सातदोबाटोस्थित एन्फा कम्प्लेक्सको मैदानमा दोस्रो हाफमा दुवै टिमले एक–एक गोल गरेका थिए । पहिलो हाफ गोलरहित बराबरीमा सकिएको थियो । पेनाल्टी सुटआउटमा नेपालका गोलरक्षकले दुई गोल बचाएका थिए ।
नेपालका गोलकिपर जियारेथ शेखले शानदार प्रदर्शन गरे। उनले दोस्रो र तेस्रो प्रहार रोकेका थिए भने नेपालको चौथो प्रहार आफैँले गर्दै गोल गरेक थिए। जियारेथअघि नेपालले सुरुका तीनवटै प्रहारमा गोल गरेको थियो।
अब नेपालले बुधबार दशरथ रंगशालामा भारत र बंगलादेशबीचको विजेतासँग उपाधिका लागि खेल्नेछ । दोस्रो सेमिफाइनलमा सोमबार भारत र बंगलादेश खेल्दै छन् ।