खोटाङ जिससमा एमालेको एकलौटीः प्रमुखमा बबी चाम्लिङ

काठमाडौ,२० साउन । स्थानीय तह निर्वाचनमा पहिलो पार्टी बनेको नेकपाएमालेले धेरै जिल्लामा एकल जिल्ला समन्वय समिति बनाएको छ । यसरी नै क्रममा एमालेले खोटाङमा पनि जिससमा एकलौटी बनाएको छ । त्यहाँ एमालेको समूह नै विजयी भएको हो ।

आज सम्पन्न निर्वाचन परिणामनुसार एमालेका तर्फबाट प्रमुखका उम्मेदवार बबी चाम्लिङको समूह विजयी भएको हो । चाम्लिङले १३ र उहाँका निकटतम प्रतिस्पर्धी नेपाली काँग्रेसका प्रकाशकुमार श्रेष्ठले सात मत पाउनुभएको मुख्य निर्वाचन अधिकृत शान्तिप्रसाद आचार्यले बताउनुभयो ।

जिसस उपाध्यक्षमा एमालेकी गोमादेवी खत्री १३ मत ल्याएर विजयी हुनुभएको छ । खत्रीका निकटतम प्रतिस्पर्धी कँग्रेसकी चन्द्रकला राईले सात मत ल्याएको मुख्य निर्वाचन अधिकृतको कार्यालयले जनाएको छ ।
जिसस सदस्यमा एमालेका कमलकुमारी राई, भगवती प्रधान, रञ्जना राई, चर्चबहादुर विश्वकर्मा, अडिराम राई, उदयबहादुर कार्की र रुद्रबहादुर विष्ट निर्वाचित हुनुभएको छ ।