मुलुकभरबाट १७ हजार प्रभावितहरूको उद्धार : गृह मन्त्रालय

काठमाडौँ, १७ असोज । मनसुन जन्य विपदबाट प्रभावित १७ हजार मानिसहरूलाई मुलुकभरबाट उद्धार गरिएको गृह मन्त्रालयले जनाएको छ ।

मन्त्रालयका अनुसार देशभरबाट १७ हजार १२० जनालाई सकुशल उद्धार गरिएको छ । सैनिक, सशस्त्र, प्रहरी तथा  स्वयंसेवकहरूबाट बिहीबार बिहानसम्म प्रभावितहरूको उद्धार गरेका हुन् । 

मनसुनजन्य विपद्मा परेका २२ जना अझै बेपत्ता छन् । बाढी र पहिरोबाट घाइते भएका १६९ जनाको विभिन्न अस्पतालहरूमा निःशुल्क उपचार भइरहेको छ ।