करणीको मुद्दामा पक्राउ परेका सशस्त्र प्रहरी जवानद्वारा आत्महत्या

बुटवल, १२ कार्तिक । दाङमा जबरजस्ती करणीको मुद्दामा पक्राउ परेका सशस्त्र प्रहरी जवान रेवन पचभैया मगरले वडा प्रहरी कार्यालय घोराहीमा आत्महत्या गरेका छन् । 

प्युठान बडडाँडा घर भएका  प्रहरी जवान मगरलाई भालुवाङमा केही दिन पहिले नाबालकका करणी आरोपमा प्रहरीले पक्राउ गरेको थियो । 

गन्जी र टिसर्टको पासो लगाएर शौचालयमा मगर झुन्डिएको अवस्थामा आज बिहान फेला  परेको जल्ला प्रहरी कार्यालयका दाङका एसपी अर्जुन तिम्सेनाले रातोपाटीलाई बताए । दसैँको बेलामा पिङ खेल्न गएका नाबालिकालाई  बलात्कार गरेको प्रहरीसँग बयानमा स्वीकार गरिसकेका थिए ।