भ्यान दुर्घटना हुँदा पाँच जनाको मृत्यु

काठमाडौँ, २६ कार्तिक । बागलुङमा पिकअप भ्यान दुर्घटना हुँदा पाँचजनाको मृत्यु भएको छ ।

जिल्ला प्रहरी कार्यालय बागलुङका अनुसार आज बिहान ग२च ९२४७ नम्बरको भ्यान सडकदेखि १०० मिटरभन्दा तल खसेर दुर्घटना हुँदा भ्यानमा सवार पाँचजनाको मृत्यु भएको हो ।

बागलुङको जैमिनी नगरपालिका–८, छिस्तीबाट सदरमुकाम बागलुङ बजारतर्फ आउँदै गरेको भ्यान दुर्घटना भएको हो । जैमिनी–७, जैदीको व्यार्थलामा भ्यान दुर्घटना भएको प्रहरीले जनाएको छ ।

मृतकको पहिचान खुल्न बाँकी छ । भ्यानमा सवार एकजनाको जीवितै उद्धार गरिएको प्रहरीले जनाएको छ ।