एक महिनामा बढे ३ लाख मोबाइल बैंकिङ प्रयोगकर्ता

काठमाडौँ, ५ मंसिर । एक महिनामा करिब ३ लाख मोबाइल बैंकिङका प्रयोगकर्ता बढेका छन् ।

नेपाल राष्ट्र बैंकको तथ्यांक अनुसार गत असोजसम्म मोबाइल बैंकिङका प्रयोगकर्ताको संख्या २ करोड ५५ लाख २४ हजार १८९ पुगेको छ ।

भदौ महिनासम्म यो संख्या २ करोड ५२ लाख ७ हजार १२२ थियो ।  यही अवधिमा इन्टरनेट बैंकिङका प्रयोगकर्ता भने ३९ हजारले बढेका छन् । गएको भदौसम्म इन्टरनेट बैंकिङका प्रयोगकर्ता १९ लाख ८६ हजार ८१७ थिए ।

असोजमा त्यो संख्या २० लाख २६ हजार ५२४ पुगेको छ ।  त्यसैगरी असोजसम्म डेबिट कार्ड बोक्नेको संख्या १ करोड ३१ लाख ६१ हजार ४५९ छ । क्रेडिड कार्डका प्रयोगकर्ताको संख्या भने २ लाख ९६ हजार ८६४ छ ।