फोर्स गाडी दुर्घटना हुँदा ५ जनाको घटनास्थलमै मृत्यु

काठमाडौँ, १४ मंसिर । रामेछापमा सवारी दुर्घटनामा ५ जनाको मृत्यु भएको छ ।

रामेछाप प्रहरीका अनुसार गोकुलगंगा गाउँपालिका वडा नम्बर ६ स्थित सिमलडाँडा भिरमा फोर्स गाडी दुर्घटना भएको हो । 

१४ सिट क्षमता भएको उक्त गाडीमा ८ जना सवार रहेकोमा ५ जनाको घटनास्थलमै मृत्यु भएको र अन्य तीन जना घाइते भएको प्रहरीले जनाएको छ ।  गाडी सडकबाट करिब ३०० मिटर तल खसेको र थप विवरण आउन बाँकी रहेको प्रहरीले जनाएको छ ।