काठमाडौँ, २२ मंसिर । नेकपा एकीकृत समाजवादीका सम्मानित नेता झलनाथ खनालले बीआरआईको फ्रेमवर्कमा हस्ताक्षर गर्ने क्रममा सरकारले पर्याप्त ध्यान पुर्याउन नसकेको बताएका छन् ।
आज चीन भ्रमणबाट स्वदेश फर्किएपछि त्रिभुवन अन्तर्राष्ट्रिय विमानस्थलमा पत्रकार सम्मेलन गर्दै खनालले बीआरआईका बारेमा पहिले नै अध्ययन गर्नुपर्ने बताए ।
चीन पुगेपछि अलमलका साथ सरकारले बीआरआईको फ्रेमवर्कमा हस्ताक्षर गरेको उनको आरोप लगाए । उनले बीआरआई फ्रेमवकमा हस्ताक्षर गर्नैपर्ने भए त्यसअघि सरकारले नाटक देखाएको टिप्पणी गरे । छिमेकी देशहरुसँग राम्रो सम्बन्ध बनाउन नसक्नेले अन्य देशहरुसँग पनि राम्रो सम्बन्ध बनाउन नसक्ने उनले बताए ।
प्रतिक्रिया दिनुहोस्