सिन्धुपाल्चोकका खोलाहरूमा बहाव बढ्न सक्ने, सतर्कता अपनाउन आग्रह

काठमाडौँ, १२ साउन । जल तथा मौसम विज्ञान विभागले सिन्धुपाल्चोक जिल्लाका केही क्षेत्रहरूमा पछिल्ला घण्टामा मापन गरिएको वर्षाका आधारमा साना खोलाहरूमा बहाव बढ्न सक्ने जनाउँदै सतर्कता अपनाउन आग्रह गरेको छ ।

विभागका अनुसार आज विहान २:२० बजे सम्मको पछिल्लो तीन घण्टामा बोल्डे, ढुङ्गे, नुर्पुगाउँ, तार्के घ्याङ, मेलम्ची घ्याङ र भोताङ स्थित वर्षा मापन केन्द्रहरूमा मध्यम वर्षा मापन गरिएको छ ।

विभागले सो क्षेत्रमा अझै वर्षा हुने सम्भावना रहेकाले त्यहाँ बहने साना खोलाहरूमा पानीको बहाव केही बढ्न सक्ने चेतावनी दिएको छ ।