बिपिनको परिवारको साथमा सरकार छ: प्रधानमन्त्री ओली

काठमाडौँ, २ भदौ । प्रधानमन्त्री केपी शर्मा ओलीले हमासद्वारा बन्धक बनाइएका विपिन जोहीको साथमा सरकार साथमा रहेको प्रतिवद्धता जनाउनुभएको छ ।

झण्डै डेढ वर्षदेखी हमासको बन्धकमा रहेका जोशीको रिहाइको लागि उहाँको आमा र बहिनी इजरायल जानुभएको छ । इजरायलमा पनि जोशीको रिहाइको लागि व्यापक प्रदर्शन भइरहेको छ । सोही विषयमा प्रधानमन्त्री ओलीले विपिनको रिहाइको शिघ्र रिहाइको लागि पहल गर्नु सरकारको दायित्व रहेको उल्लेख गर्दै विपिनको सुरक्षाको लागि पहल गरिरहेको जानकारी दिनुभयो ।

हाँले आफ्नो सामाजिक सञ्जालमा भन्नुभएको छ, ‘इजरायलमा हमास समूहले बन्धक बनाएका बिपिन जोशीको शीघ्र रिहाइको पहल गर्नु हाम्रो जिम्मेवारी हो। इजरायलस्थित हाम्रो दूतावासको समन्वयमा बिपिनकी आमा पद्मा र बहिनी पुष्पाले महामहिम राष्ट्रपति H.E. Mr. Isaac Herzog र संसद अध्यक्ष H.E. Mr. Amir Ohana सँग भेटेर बिपिनको रिहाइको लागि पहल गर्न आग्रह गर्नु भएको छ । यसअघि मध्यपूर्वको शान्तिका लागि पहल गरिरहेका टर्कीका राष्ट्रपति रेसेप तैयप एर्दोगानसँग गत चैत ७ गते र इजिप्टका राष्ट्रपति अब्देल फत्ताह सइद हुुसैन खालिलसँग गत फागुन २८ गते मैले यस विषयमा ध्यानाकर्षण गर्दै फोन संवाद गरेको थिएँ। सरकार बिपिनको सुरक्षालाई प्राथमिकता दिंदै हर सम्भव पहलमा जुटिरहेको छ।

बिपिनको सुरक्षित र शीघ्र रिहाइ सुनिश्चित गर्न परराष्ट्र मन्त्रालयले खाडी क्षेत्रका दूतावास मार्फत निरन्तर संवाद गरिरहेको छ।इजरायलमा सहयोग गरिरहेका नेपाली र स्थानीय नागरिक, पत्रकार, सुरक्षाकर्मी र सामाजिक अभियन्ता सबैप्रति विशेष धन्यवाद। बिपिनका परिवारको साथमा सरकार छ।