काठमाडौँ, ४ भदौ । प्रतिनिधिसभाबाट बालबालिका सम्बन्धी (पहिलो संशोधन) विधेयक, २०८२ माथि विचार गरियोस् भन्ने प्रस्ताव’ सर्वसम्मतिले स्वीकृत भएको छ ।
आज बसेको प्रतिनिधिसभाको बैठकमा महिला बालबालिका तथा ज्येष्ठ नागरिकमन्त्री नवलकिशोर शाह सुडीले विधेयकमाथि विचार गरियोस् भन्ने प्रस्ताव पेस गरेका थिए ।
विधेयकमाथि सैद्धान्तिक छलफल पछि सभामुख देवराज घिमिरेले ‘बालबालिका सम्बन्धी (पहिलो संशोधन) विधेयक, २०८२ माथि विचार गरियोस् भन्ने प्रस्ताव निर्णयार्थ पेस गरेका थिए । त्यो प्रस्ताव सर्वसम्मतिले स्वीकृत भएको हो ।
प्रस्ताव निर्णयार्थ पेस गर्ने अनुमति दिँदा प्रमुख प्रतिपक्षी दल नेकपा माओवादी केन्द्रकी सांसद ज्ञानु बस्नेत सुवेदी गणपूरक सङ्ख्याबारे प्रश्न उठाएकी थिइन् । कुनै पनि प्रश्न र प्रस्ताव पेस गर्दा एक चौथाइ मत चाहिन्छ । त्यो सङ्ख्या ६९ हो । मत गणना गर्दा ८० सांसद देखिएपछि अगाडि बढाइएको थियो ।
प्रतिक्रिया दिनुहोस्