विघटित एमाले संसदीय दलको बैठक बस्दै

काठमाडौँ, २ मंसिर । विघटित प्रतिनिधिसभामा रहेको नेकपा (एमाले) संसदीय दलको बैठक आज बस्दै छ ।

बैठक पार्टी केन्द्रीय कार्यालय च्यासलमा दिउँसो १ बजे सुरु हुने तत्कालीन प्रमुख सचेतक महेश बर्तौलाले जानकारी दिए । एमालेले प्रतिनिधिसभा विघटनलाई ‘असंवैधानिक’ भन्दै आएको छ । संसद् पुनर्स्थापना गरिनुपर्नेमा एमाले जोड दिइरहेको छ ।

सरकारले भने आउँदो फागुन २१ गते हुने गरी प्रतिनिधिसभा सदस्य निर्वाचनको मिति तोकेको छ । बैठकमा पछिल्लो राजनीतिक र समसामयिक विषयमा छलफल गरिनेछ ।