जेनजी आन्दोलनमा सरकारी सम्पत्ति तोडफोड गर्ने एक जना पक्राउ

रौतहट, २१ मंसिर । रौतहटमा जेनजी आन्दोलनका क्रममा सरकारी सम्पत्ति तोडफोड तथा आगजनी गरेको आरोपमा प्रहरीले थप एकजनालाई पक्राउ गरेको छ।

गत भदौ २४ गते जेन-जी आन्दोलनको क्रममा ईलाका प्रहरी कार्यालय चन्द्रनिगाहपुरको कार्यालय र सवारी साधनहरू आगजनी तथा तोडफोड गर्ने कार्यमा संलग्न चन्द्रपुर नगरपालिका-४ बस्ने ३० वर्षीय बिकी पाण्डेलाई प्रहरीले नियन्त्रणमा लिएको हो।

जिल्ला प्रहरी प्रवक्ता डीएसपी विष्णु प्रदीप बस्यालका अनुसार पाण्डेलाई गत मंसिर १८ गते राति नियन्त्रणमा लिइएको थियो । उनलाई आपराधिक उपद्रव मुद्दामा रौतहट जिल्ला अदालत गौरबाट पक्राउ गर्न अनुमति लिइएको थियो।