मध्यपुर थिमीका नगर प्रमूखमाथि आक्रमण : गंभिर घाइते

(बैशाख ८, भक्तपुर) । भक्तपुरको मध्यपुर थिमि नगरपालिकाका प्रमुख मदनसुन्दर श्रेष्ठमाथि दुईजनाले आज सांघातिक आक्रमण गरी गंभिर घाइते बनाएका छन् ।

साँझ करिब ६ बजे उनको निवास अगाडि घर प्रवेश गर्न लागेका बेला अपरिचित दुई व्यक्तिले ‘मेयरसाब’ भनी बोलाउँदै फलामे रडले प्रहार गरेको घाइते प्रमुख श्रेष्ठले जानकारी दिएका छन् । आक्रमणपछि घाइते भएका प्रमुख श्रेष्ठको मध्यपुर थिमी अस्पतालमा उपचार भइरहेको छ । घाइते प्रमुखको खुट्टा, दाहिने हात र टाउकोमा चोट लागेको छ । आक्रमणपछि प्रमुख श्रेष्ठ भागेर नजिकैको मोबाइल पसलमा गएर लुक्दै आफ्नो ुरक्षा आफैले गरेका थिए ।

आक्रमणकारीले प्रमूख श्रेष्ठ चढेको बा ८ च ८७२० नं.को गाडीमा तोडफोड गरेर पूर्णरुपमा क्षति पु-याएका छन् । आक्रमणकारीको खोजी भइरहेको महानगरीय प्रहरी वृत्त, थिमीका प्रहरी नायब उपरीक्षक प्रज्वल महर्जनले जानकारी दिएका छन् ।