कला र गलाका धनी श्रेष्ठको ‘हुरी आयो…’ गीतको म्युजिक भिडियो सार्वजनीक हुँदै

बैशाख ११, काठमाडौं । कला र गलाका धनी तथा गायन क्षेत्रमा अब्वल रहेका युल्सन श्रेष्ठको ‘हुरी आयो उडाई लग्यो सारा सपना’ वोलको गीत शुक्रवार सार्वजनीक हुने भएको छ ।

खोटाङको दिक्तेलमा जन्म लिई गायन क्षेत्रमा अग्रणी भुमिका निर्वाह गर्दै आफुलाई निमा रुम्वाको गीत गाएर रक स्टारको रुपमा परिचित गराइसकेका श्रेष्ठ नेपाल आइडलमा समेत उत्कृष्ट स्वर प्रदर्शन गरी नेपाली जनताको मन मुटुमा बस्न सफल भएका भएका छन् । गायक श्रेष्ठ नेपाल आइडलमा दावेदार हुँदा हुँदै पनि भोटका कारण नेपाल आइडल हुनवाट वञ्चीत भएका थिए । उनी नेपाल आइडलमा टप ८ मा पर्न सफल भएका थिए । उनी नेपाल आइडन नभएता पनि नेपाली जनताको मनमा भने आइडल भइनै सकेका छन् ।

उक्त म्युजिक भिडियोको स्वर, संगित, गीत गायक स्वयम् श्रेष्ठको नै रहेको छ । व्यवस्थापन हर्कलेख वस्नेतको रहेको छ भने सम्पादन उज्जवल महतको रहेको छ । उक्त म्युजिक भिडियोमा अभिनय नेपालको चर्चित मोडल आचल शर्माको रहेको छ भने उनको साथमा इन्जमान अलि खान र गायक  स्वयम् को समेत दमदार प्रस्तुती रहेको छ ।