एमाले देशको ठुलो प्राईभेट कम्पनी हो : नेता थापा

बैशाख १४, चितवन । नेपाली कांग्रेसका नेता गगन थापाले एमाले देशको ठुलो प्राईभेट कम्पनी भएको आरोप लगाएका छन्  ।

चितवनमा आयोजित संगठन सुदृढीकरण एवं पुनर्जागरण कार्यक्रममा बोल्दै नेता थापाले काठमाडौंमा नेता भेट्ने होइन, सरकारले गर्ने हरेक आर्थिक अनियमिताको निगरानी गर्दै प्रतिवाद गर्नको निम्ती नेता, कार्यकर्ता तथा आम नेपाली जनतालाई आग्रह गरेका छन् । साथै उनले एमाले र माओवादी सच्चा कम्युनिष्ट नभएको आरोपसमेत लगाएका छन् ।

नेता थापाले एमाले र माओवादीले टेकेको जमिन कांग्रेसको भएको दाबी भन्दै अबको ५ बर्ष भित्र पार्टीलाई सुदृढीकरण गर्दै अहिलेको मतदाता भन्दा १४ लाख मतदाता थपेर पहिलो पार्टी बन्ने सपना समेत सुनाएका छन् ।