चितवनमा बस दुर्घटना, १५ यात्रु घाइते : एकको अवस्था गम्भीर

असार १७, चितवन । चितवनको खैरहनी नगरपालिका–१ मा आज बिहान यात्रुवहाक बस दुर्घटना हुँदा १५ जना घाइते भएका छन् ।

भैरहवाबाट भरतपुर हुँदै वीरगञ्जतर्फ जाँदै गरेको ना ७ ख ५११८ नम्बरको बस बिहान ६ः४५ बजे सडक छेउमा पल्टिएको हो । दुर्घटनापछि घाइतेमध्ये सात जनाको पुरानो मेडिकल कलेजमा उपचार थालिएको छ । जसमध्ये एकको अवस्था गम्भीर रहेको छ । अन्यको विभिन्न अस्पतालमा उपचार भइरहेको प्रहरीले जनाएको छ ।