साउन ३, काठमाडौँ । चर्चित गायिका आनी छोइङ डोल्मा शेर्पाले तुइन विस्थापनका लागि एक करोड सहयोग गरेकी छिन् ।
नेपाल टेलिभिजनको “जनतासँग प्रधानमन्त्री” कार्यक्रममा गायिका शेर्पाले एक करोड रकम हस्तान्तरण गरेकी हुन् । उनले सहयोग गरेको रकमले एउटा मात्र भए पनि झोलुङ्गे पुल बन्न सके तुइन विस्थापनमा सघाउ पुग्ने उनले विश्वास व्यक्त गरेकी छिन ।
सहयोग रकम बुझ्दै प्रधानमन्त्री ओलीले आफूले एक महिनाको तलव थपेर तुइन विस्थापन कोष स्थापना गर्ने र अबको एक वर्षमा सबै तुइन विस्थापित भैसक्ने बताए ।
प्रधानमन्त्री ओलीले अघिल्लो कार्यकालको पदबहालीको दिन मुलुकभरका सबै तुइन विस्थापनको घोषणा गरेका थिए ।
प्रतिक्रिया दिनुहोस्