भदौ १०, काठमाडौं । राष्ट्रिय तथा अन्तराष्ट्रिय रुपमा नेपाललाई चिनाउन सफल भएका चर्चित गायक ‘राइजकिङ’ राजेश पायल राईले दुवईको अबुदावीमा प्रचण्ड गर्मीलाई विर्साउँदै दर्शकलाई पानी तथा पसिनाले लुथ्रुक्क भिजाई दर्शकको माया तथा हैसला पाएका छन् ।
हिजो खोटाङ सेवा समाज युएइले आयोजना गरेको अवुदावीको Sthit Musaffa Hall मा आफ्नो धमकेदार प्रस्तुति दिए । अवुदावीको प्रचण्ड गर्मीलाई आफु नाच्दै अरुलाई पनि नचाउँदै तातो माथि तातो थपे । आफ्नो प्रस्तुती दिदा निथ्रुक्क भिजेका राई स्टेजवाट नै दर्शकलाई पानी छ्याप्दै आफुलाई पनि पानी खन्याउँदै नाचे र नचाए ।
अथाह दर्शक भरेर थाम्न नसकी चार/पाँच सय दर्शक फर्किदा आफुलाई दुःख लागेको आयोजकका अध्यक्ष हिमाल गुरुङले वताए । उनले थपे दर्शक फर्काउन मन थिएन तर हल भित्र मान्छे अट्ने सिट नै भएन, वाध्यतामा परियो ।
सो कार्यक्रममा राई आफ्नो आउन लागेको एल्वम दर्शन नमस्ते चारको गितवाट शुरु गरेका थिए भने २०/२५ वटा गित ननस्टप प्रस्तुत गरे । उक्त कार्यक्रममा गायक जिविहा राई, कृष्मा ढकाल, वर्षा थिङ लगायत स्थानिय कलकारहरुको वेजोड प्रस्तुती रहेको थियो ।
प्रतिक्रिया दिनुहोस्