विराटनगर राजधानी माग्दै ६३ संघसंस्थाको ज्ञापनपत्र

असोज १८, विराटनगर । प्रदेश १ को राजधानी विराटनगर बनाउन माग गर्दै विराटनगरका ६३ वटा सामाजिक संघ संस्थाले प्रधानमन्त्रीलाई ज्ञापनपत्र पठाएका छन् ।

उनीहरुले प्रदेश १ का सभामुख र मुख्यमन्त्रीमार्फत प्रधानमन्त्री केपी शर्मा ओलीलाई ज्ञापनपत्र बुझाएका छन् । उद्योग संगठन मोरङ, मोरङ व्यापार संघको अगुवाईमा आएको टोलीले पूर्वाधार र सामथ्र्यका कारण राजधानी बन्न विराटनगर नै उपयुुक्त भएको दावी गरेका छन् ।

ज्ञापनपत्र बुझ्दै सभामुख प्रदीपकुमार भण्डारीले विराटनगरका सरोकारवालाको सुझाव सम्बन्धित ठाउँमा जानकारी गराउने बताए । आन्तरिक मामिला तथा कानूनमन्त्री हिक्मत कार्कीले राजधानीको विषयमा संसदले ठोस निर्णय गर्ने भएको कारण अहिले नै आत्तिन नहुने बताए ।