असोज १८, काठमाडौ । मिलन चाम्सद्धारा निर्देशित चलचित्र बोबीले नेपाली फिल्मको इतिहासमा, दर्शकको माया अनि साथको नयाँ उचाई हङकङमा प्राप्त गरेको छ ।
पहिलो पटक नेपाली फिल्मले हङकङमा यति धेरै दर्शकको साथ, माया पाएको छ । चलचित्र हेरेपछि हङकङमा पनि दर्शक रुदै नै हलबाट बाहिरिएका थिए ।
समसामयीक तथा व्यवहारिक जीवनमा आई पर्ने कथावस्तुमा आधारीत यो चलचित्रले आम नेपाल र नेपालीमा मात्र नभई विश्वका सवै नागरिकलाई जीवन जीउन तथा संघर्षका जीवन जिउनको निम्ती एउटा सन्देश जसले जीवन जिउनको निम्ती प्रेरणादायी हुने देखिन्छ ।
उमेश थापा र कविता गुरुङको वास्तविक प्रेम कथामा बनेको फिल्म ‘बोबी’मा उनीहरुकै अभिनय रहेकोले पनि दर्शकले मन पराएका छन् ।
नरेश भटटराई र गिरीराज घिमिरेको संयुक्त लेखन रहेको चलचित्र “बोबि” मा नायीका कविता गुरुङ, नायक उमेश थापा, क्याप्टेन तथा कलाकार विजय लामा, रुवी राणा शाह लगायतका कलाकारहरुको अभिनय रहेको छ ।
प्रतिक्रिया दिनुहोस्