असोज २३, काठमाडौं । दिपाश्री निरौला निर्देशित फिल्म ‘छक्का पन्जा ३’ लाई नेपालभरका मल्टिप्लेक्समा उच्च शो मिलेको छ ।
घटस्थापनाको दिन असोज २४ गतेबाट रिलिज हुने फिल्मलाई काठमाण्डौमा सबैभन्दा बढी चेन भएको ‘क्यूएफएक्स’ले मात्र यसलाई ३० शो दिएको छ । काठमाण्डौ बाहिर पनि चलचित्रले उच्च शो पाएको छ ।
क्यूएफएक्स चेनका लबिल मल, सिभिल मलमा यो चलचित्रले पाएको १५ शो नै भरिने क्रममा रहेका छन् । चलचित्रको बुकिङ आक्रामक हुने पक्का छ । चलचित्रलाई एफक्यूबले ११ शो, क्यूजले ११ शो, बीग मुभिजले १० शो दिएको छ । देशभरबाट करिब ११० शो बुकिङका लागि खुल्ला गरिएको छ ।
चलचित्रमा दिपकराज गिरी, दीपाश्री निरौला, केदार घिमिरे, जितु नेपाल, बुद्दि तामाङ लगायतका कलाकारको अभिनय रहेको छ ।
प्रतिक्रिया दिनुहोस्