प्रिमियर इन्टरनेशनल स्कुलमा प्रकृतिक विपत्तिबाट बच्ने अभ्यास

असोज २५, ललितपुर । खुमलटारस्थित प्रिमियर इन्टरनेशनल स्कुलले भूकम्प लगायत प्राकृतिक विपत्ति र अन्य दुर्घटनाबाट बच्ने उपायबारे विद्यार्थीहरुलाई यो वर्षपनि सिकाउने कामलाई निरन्तरता दिएको छ ।

विद्यालयका भाइस प्रिन्सिपल प्रदिप बज्राचार्यका अनुसार भूकम्प लगायत अन्य प्राकृतिक विपत्ति आइपरेमा हुन सक्ने संभावित दुर्घटनाबाट बच्ने उपाय सहित विद्यार्थीहरुलाई सहभागी गराई सचेतनामूलक अभ्यास कार्यक्रम आयोजना गरयो ।

अभ्यास कार्यक्रममा अभिभावक, विद्यार्थी, शिक्षक र कर्मचारीहरु सहभागी थिए ।सचेतनामूलक अभ्यास कार्यक्रमबाट प्राकृतिक विपत्तिलाई धैर्यतापूर्वक सामना गर्ने शिक्षा प्राप्त भएको बताइएको छ ।