संसारकै लामो हवाई उडान आजदेखि सुरू

असोज २५, एजेंसी । संसारकै लामो हवाई उडान आज सिंगापुर एयरलाइन्सले सिंगापुरदेखि न्युयोर्कसम्मको १९ घन्टा लामो उडान सुरू गरेको छ ।

सिंगापुरबाट उडेको विमान १५ हजार किलोमिटर दूरी पार गरेर न्युयोर्क पुग्नेछ। सिंगापुर एयरलाइन्सले पहिला पनि न्युयोर्क उडान गर्थ्यो तर केही यात्रुले समय बचाउन ननस्टप सेवा माग गरेकाले यो सेवा सुरू गरेको बताएको छ।

जहाजमा १६१ सिट छन् त्यसमा ६७ विजनेश क्लासका छन् । विजनेस क्लासमा यात्रा गर्नेलाई उडानका क्रमका दुई पटक खाना दिइनेछ। प्रिमियम इकोनोमिक क्लासका यात्रुलाई तीन पटक खाना दिइनेछ । जहाज एनओपिएसी रूट वा प्रशान्त महासागर हुँदै अमेरिका जाने सिंगापुर एयरलाइन्सले जनाएको छ ।