भारतमा अनसन बस्दै अन्ना हजारे

एजेन्सी, १६ माघ । भारतमा भ्रष्टाचार विरोधी आन्दोलन गर्ने अगुवा अन्ना हजारेले अनसन गर्ने भएका छन् ।

भारतीय सञ्चार माध्यमहरूका अनुसार जन लोकपाल विधेयक कार्यान्वयनको माग गर्दै आज आफ्नै गाउँमा अनसन बस्न लागेको जनाएका छन् ।

हजारेले भारतीय प्रधानमन्त्री नरेन्द्र मोदीलाई पटक-पटक आग्रह गर्दा पनि विधेयक कार्यान्वयन नगरेको भन्दै आन्दोलन गर्न लागेका हुन् ।

केही दिनअघि उनले लोकपाल र लोकायुक्त नियुक्तको माग गरेर मोदीलाई पत्रसमेत लेखेका थिए ।