नयाँ मिसाइल बनाउने रुसको घोषणा

एजेन्सी, २३ माघ । नयाँ मिसाइल बनाउने काम सुरु गरेको रुसले घोषणा गरेको छ ।

आईएनएफ सन्धिले छोटो र मध्यम दुरीका मिसाइल प्रयोगमा प्रतिबन्ध लगाइएको थियो । आईएनएफ सन्धिले जमिनबाट मार हान्ने मिसाइल प्रयोगमा प्रतिवन्ध थियो तर समुद्र र हावाबाट प्रहार गर्ने मिसाइलमा भने प्रतिवन्ध छैन ।

रुसका रक्षामन्त्री सर्गेइ शोयगूले मंगलबार भनेका छन् ‘दुई वर्षमा रुसले जमिनबाट मार हान्ने नयाँ मिसाइल बनाउने लक्ष्य राखेको छ ।’

रुसी रक्षामन्त्री शोयगूले भनेका छन्, ‘अमेरिकाले पहिलेदेखि नै सम्झौताको उल्लंघन गर्‍यो । अमेरिका पाँच सय किलोमिटरभन्दा टाढासम्म प्रहार गर्न सक्ने मिसाइल बनाउन सक्रिय रुपमा लागिरहेको छ । जुन सन्धिको सीमाभन्दा बाहिरको कुरा हो । यस्तो स्थितिमा रुसी राष्ट्रपतिबाट जस्तालाई त्यस्तै जवाफ दिन निर्देशन प्राप्त भएको छ ।’