मोटरसाइकल दुर्घटना हुँदा चालकको मृत्यु, एक घाइते

काठमाडौँ, २६ चैत । ललितपुरमा मोटरसाइकल दुर्घटना हुँदा चालकको मृत्यु भएको छ भने एक जना गम्भीर घाइते भएका छन् ।

गएराती कुसुन्तीमा बा ४६ प ९८ ३३ नम्बरको मोटरसाइकल अनियन्त्रित भइ पल्टिदा महालक्ष्मी नगरपालिका—४ इमाडोल बस्दै आएका उदयपुर बेल्टारका २५ वर्षिय सल्यान चौधरीको मृत्यु भएको प्रहरीले जनाएको छ ।

दुर्घटनामा गम्भीर घाइते भएका मोटरसाइकल चालक चौधरीको उपचारको क्रममा अल्का अस्पतालमा बिहान ३ बजे मृत्यु भएको हो । त्यस्तै घाइते भएका उदयपुरकै २८ वर्षिय आशिष श्रेष्ठको अल्का अस्पतालमा उपचार भइरहेको प्रहरीले जनाएको छ ।