बम विस्फोटमा परि १६ जनाको मृत्यु

एजेन्सी, २९ चैत । पाकिस्तानमा बम बिस्फोटमा परि १६ जनाको मृत्यु भएको छ ।

पाकिस्तानको बलोचिस्तान प्रान्तको राजधानी क्वेटामा बिहान करिब ८ बजे हजारगञ्ज इलाकाको तरकारी बजारमा भएको बम बिस्फोटमा १६ जनाको मृत्यु भएको स्थानीय प्रहरीले जनाएको छ ।

समाचार संस्था एपीपीका अनुसार  उक्त बम बिस्फोट बजार नजिकै रहेको प्रहरीको भ्यानलाई लक्षित गरेर गरिएको जनाएको छ ।

बिस्फोटपछि सुरक्षा बलले इलाकालाई घेरामा लिएको छ । बम धमाकामा घाइते भएकाहरुलाई अस्पताल लगिएको छ । बिस्फोटमा मारिएका र घाइते भएका धेरैजसो मानिसहरु यसै समुदायको रहेका जनाएको छ  ।