बन्दुकधारीको आक्रमणमा परि १४ जनाको मृत्यु

एजेन्सी, ५ बैशाख । पाकिस्तानमा बन्दुकधारीहरुले बसमा यात्रा गर्दै गरेका १४ जनाको हत्या गरेका छन् ।

अधिकारीहरुले बिहीबार दिएको जानकारी अनुसार दक्षिणपश्चिमी बलुचिस्तान प्रान्तमा बन्दुकधारीहरुले पाँचवटा बसमा सवार यात्रुहरुलाई बसबाट ओरालेर गोली प्रहार गरेको जनाएको छ ।

बन्दुकधारीहरुले ओर्माराबाट कराँचीतर्फ गइरहेका बसहरु मकरान तटीय राजमार्गमा रोकेर बस भित्रका यात्रुलाई बाहिर निकालेर गोली हानी १४ जनाको हत्या गरेको समाचार माध्यमहरुले जनाएका छन् । घटनामा बारेमा कसैले जिम्मा नलिएको सरकारी अधिकारीहरुले जानकारी दिएका छन् ।