अमेरिकामा आँधीका कारण चार जनाको मृत्यु

एजेन्सी, ७ बैशाख । अमेरिकामा आँधीका कारण चार जनाको मृत्यु भएको अधिकारीहरुले जनाएका छन् ।

अमेरिकाका मिसिसिपी राज्यको लिन्कन काउन्टीमा बिहीबार एउटा रुखले किचेर ६३ वर्षीय एक पुरुषको मृत्यु भएको र अलाबामा राज्यको पेल नगरमा एक जना ४२ वर्षीया महिलाको घुम्ती निवासमा रुखले थिचेर मृत्यु भएको अधिकारीहरुले बताएका छन् ।

अरु दुई जनाको गाडी चलाइरहेका बेला मृत्यु भएको थियो । उक्त आँधीले अमेरिकाको दक्षिणमा रहेका अलाबामा, मिसिसिपी, लुजियाना र टेक्सास समेतका राज्यहरुमा व्यापक क्षति गरेको थियो ।