भारतमा सैनिक जवानमा महिला भर्ती सुरु, अनलाईन दर्ता गर्न सकिने

एजेन्सी, १३ बैशाख । भारतमा पहिलो पटक सैनिक जवानमा महिलाको भर्ती सुरु भएको छ ।

भारतीय सेनाले पहिलो पटक जवान पदमा महिलाको भर्ती लिन सुरु गरेसँगै अनलाईन दर्तासमेत सुरु गरेको छ । यसअघि अधिकृत तहमा मात्रै महिलाको भर्ती हुने गरेको थियो ।

अहिलेसम्म १४ लाख सशस्त्र बलका ६५ हजार अधिकृत महिला रहेकोमा सेनाले अहिले मिलिट्री पुलिस क्याडरमा महिलाको संख्या २० प्रतिशत बनाउने लक्ष्य लिएको छ ।

भारतीय सुरक्षा निकायहरुमा खासगरी प्राविधिक सीप भएका महिलाहरुले मात्रै प्राथमिकता पाउने गरेको भन्दै यसबारे बहसहरु हुँदै आएका थिए ।