जनताको अधिकार स्थापीत गराउन काङ्ग्रेसले जस्तोसुकै मूल्य चुकाउन तयार : नेता सिंह

काठमाडौँ, २९ बैशाख । नेपाली कांग्रेसका नेता प्रकाशमान सिंहले जनतालाई अधिकार दिलाउनको लागि काङ्ग्रेसले जस्तोसुकै मूल्य चुकाउन तयार रहेको उद्घोष गर्नुभएको छ ।

नेपाली काङ्ग्रेस काठमाडौँ क्षेत्र नं १ ले शनिवार आयोजना गरेको ‘चियापान तथा भेटघाट’ कार्यक्रममा नेता सिंहले सरकारले संसद्को मर्यादा पालना गर्न नसकेको बताउनु भएको छ । उहाँले वर्तमान नेपाल कम्युनिष्ट पार्टी (नकपा)को सरकारले देशको सुशासन कायम गर्न नसकेको आरोप लगाउनुभएको छ ।

पूर्वउपप्रधानमन्त्री समेत रहनु भएका नेता सिंहले देशको नै अभिभावकले बोल्ने शब्द कस्तो हुनुपर्छ भन्ने प्रधानमन्त्री ओलीले नबुझेको आरोप समेत लगाउनु भयो ।