आगलागी हुँदा तीन बालबालिकाको मृत्यु

एजेन्सी, ११ असार । अस्ट्रेलियाको एक घरमा आगलागी हुँदा तीन बालबालिकाको मृत्यु भएको छ ।

बुधबार बिहान साढे तीन बजेतिर न्यु साउथ वेल्स राज्यको एक घरमा आगलागी हुँदा ११ वर्षका बालक र पाँच वर्षका दुई बालिकाको मृत्यु भएको स्थानीय प्रहरीलाई उद्धृत गर्दै बिबिसीले जनाएको छ ।

बालकको शव घर भित्र पाइएको र उनका दुई बहिनीको भने अस्पतालमा उपचारको क्रममा मृत्यु भएको जनाएको छ । यस्तै, छिमेकीले ८ वर्षकी बालिका र ३१ वर्षकी महिलालाई बाहिर सकुशल उद्धार गरेका छन् ।