संविधानको सर्वाेच्चता कानूनको शासन परिपालनाप्रति सरकार प्रतिबद्ध छ : मन्त्री ढकाल

काठमाडौँ, १३ असार । कानून, न्याय तथा संसदीय मामिलामन्त्री भानुभक्त ढकालले संविधानको सर्वोच्चता कानूनको शासन परिपालनाप्रति सरकार प्रतिबद्ध र गम्भीर रहेको बताएका छन ।

कानून, न्याय तथा मानव अधिकार समितिले आयोजना गरेको अन्तरक्रियामा बोल्दै हाम्रा कला, संस्कृति, धर्म, परम्परा, रीतिथिति, राजनीतिक संस्कार, सामाजिक र आर्थिक अवस्थाले मानवअधिकारको संरक्षण र पालना गरेर अघि बढ्न मार्गनिर्देश गर्ने बताए ।

उनले भने, ‘संविधानको सर्वोच्चता कानूनको शासन परिपालनाप्रति सरकार प्रतिबद्ध र गम्भीर छ, संविधानको मर्म र भावनाको परिपालना तथा कार्यान्वयनका लागि सबै इमान्दार भएर लाग्नुपर्छ, सरकारवादी भएर चल्ने सबै मुद्दाको अनुसन्धान, अभियोजन गर्ने अधिकार संविधानतः महान्यायाधिवक्तालाई दिइएको छ ।’