अपहरण आरोपमा गौशालाका दुई सई पक्राउ

काठमाडौं, ४ चैत । अपहरणमा संलग्न भएको आरोपमा महानगरीय अपराध महाशाखाले गौशाला वृतमा कार्यरत दुई जना प्रहरी नायब निरीक्षक (सई) लाई पक्राउ गरेको छ ।

पक्राउ पर्नेमा सईद्वय सूर्य थापा र सम्बत तामाङ रहेका छन् । ३२ बर्षीया सम्बत महाशाखाअन्तर्गत गौशाला वृतमा खटिएका थिए । सूर्य भने काठमाडौं परिसरअन्तर्गत गौशाला वृतमा कार्यरत हुन् ।

सम्वत मंगलबार र सूर्य बिहीबार दिउँसो पक्राउ परेका हुन् । अपहरणमा संलग्न भएको आरोपमा काभ्रेका अर्जुनबहादुर लामा र रुपन्देहीका कुमार भन्ने राजकुमार गुरुङ पनि पक्राउ परेका छन् ।

उनीहरुले धनकुटाका बद्री राईलाई अपहरणगरी दुई लाख ३० हजार रुपैयाँ नगद लिएका थिए भने नबिल बैंक र राष्ट्रिय बाणिज्य बैंकको नाममा २५–२५ लाखका चार वटा चेक समेत काट्न लगाएका थिए । अन्नपूर्ण पोष्टमा समाचार छ ।