सरकारका प्रवक्ता भन्छन्– मधेसका केहि ठाउँमा अवरोध भएपनि निर्वाचन नसर्ने र नरोकिने

भक्तपुर,३ चैत । सरकारका प्रवक्ता एवं सञ्चारमन्त्री सुरेन्द्र कार्कीले कञ्चनपुर घटनामा भारतले गल्ती स्स्वीकार गर्दै माफी माग्नु पर्ने बताएका छन् । भारतीय सीमा सुरक्षा बल एसएसबीले चलाएको गोली लागेर नेपालीको मृत्यु भएको विषयमा सरकारले छानविना गरेर भारत सरकारलाई रिपोर्ट दिइसकेको उनले बताए ।
रफत सञ्चार क्लबमा शुक्रबार आयोजित साक्षात्कार कार्यक्रममा सञ्चारमन्त्री कार्कीले कञ्चनपुर घटनामा आफनो गल्ती स्वीकार गर्दै माफी माग्न भारत सरकारलाई भनिएको बताए ।

भारतीय हस्तक्षेपविरुद्ध प्रदर्शनमा उत्रिएका नेपालीहरुमाथि सीमा सुरक्षा बलले गोली चलाएको थियो । एसएसबीले चलाएको गोली लागेर गोविन्द गौतमको मृत्यु भएको थियो । उनलाई सरकारले सहिद घोषणा गरेको छ र, फरेन्सिक रिपोर्ट भारतलाई पठाएको छ ।

सञ्चारमन्त्री कार्कीले स्थानीय तहको चुनाव तोकिएकै मितिमा हुने भन्दै शंका नगर्न आग्रह गरे । मधेसी मोर्चासँग निरन्तर सम्वाद भइरहेको भन्दै उनले छिटैर् सहमति हुने दाबी गरे ।

मधेसी मोर्चा विना निर्वाचनमा गए मधेसमा अतिवादले प्रश्रय पाउने भन्दै उनले मोर्चालाई निर्वाचनमा सहभागी गराउनुपर्ने बताए । मधेसका केहि ठाउँमा अवरोध भएपनि स्थानीय तहको निर्वाचन नसर्ने र नरोकिने सरकारका प्रवक्ता कार्कीले बताए