काठमाडौँ, २३ साउन । त्रिभुवन विमानस्थल अध्यागमन कार्यालयका अध्यागमन अधिकृतलाई अख्तियार दुरुपयोग अनुसन्धान आयोगले पक्राउ गरेको छ ।
श्रम स्विकृति नलिई कतार, दुवईलगायतका मुलुकमा जाने विचौलिया समेतको मिलेमतोमा प्रस्थान अनुमति दिने र प्रस्थान अनुमति दिएको अभिलेखसमेत नराखी डिपार्चर स्ट्याम्प लगाइदिने कार्यमा अधिकृत कमलप्रसाद पराजुलीको संलग्नता रहेको भन्दै पक्राउ गरेको अख्तियारले जनाएको छ ।
अधिकृत पराजुलीले अध्यागमन कानुनको बर्खिलाप हुने गरी आर्थिक लाभ लिएको भन्ने कसुरमा उजुरी परेकाले पक्राउ गरिएको अख्तियारले जनाएको छ ।
प्रतिक्रिया दिनुहोस्