काठमाडौँ, ६ भदौ । राष्ट्रपति विद्यादेवी भण्डारीले गौरा पर्वको शुभकामना दिएकी छन् ।
राष्ट्रपति भण्डारीले गौरा पर्वको अवसरमा गौरा पर्वले राष्ट्रिय एकता सुदृढ पार्न सहयोग पुर्याउँदै आएको र हाम्रो समाजमा गौरापर्वको आफ्नै ऐतिहासिक एवं पौराणिक महत्त्व रहेको उल्लेख गरेकी छन् ।
राष्ट्रपति भण्डारीको शुभकामना सन्देशमा भनिएको छ, ‘विशिष्ट सांस्कृतिक महत्व बोकेको गौरापर्वले नेपाली मौलिक संस्कृतिको संरक्षणमा थप योगदान गर्दै सबैमा उत्साह एवं उमङ्ग जागृत गर्न सहयोग पुर्याउने विश्वास लिएको छु ।
गौरा पर्व विशेष गरेर डोटी र कुमाउँमा परापूर्व कालदेखी नै मनाउँदै आएको पर्व हो । गौरा पर्व भाद्र कृष्ण को षष्ठी देखी अष्टमी सम्म विभिन्न कार्यक्रमहरूको आयोजना गरेर मनाइन्छ । बिरुडा भिजाएको केही दिनपछि महिलाहरूले सामूहिकरूपमा धान, साउँ, तिल, अपामार्ग आदि बिरुवाका बोटबाट गौराको प्रतिमा (मूर्ति) बनाई गौराघरमा भित्र्याउँछन् । धार्मिक अनुष्ठान एवं पूजाआजाका साथै गौरालाई गौराघरमा भित्र्याइसकेपछि श्रद्धालु महिलाद्वारा शिव र गौरी (गौरा)को पूजाआजा गर्ने गरिन्छ।
प्रतिक्रिया दिनुहोस्