देशभरका विमानस्थलमा सेवा–सुविधा थपिन्छ : मन्त्री भट्टराई

काठमाडौँ, २१ भदौ । संस्कृति पर्यटन तथा नागरिक उड्डयनमन्त्री योगेश भट्टराईले देशभरका विमानस्थलमा सेवा सुबिधा थप्ने काम सुरु भएको बताएका छन् ।

त्रिभुवन अन्तर्राष्ट्रिय विमानस्थलको आन्तरिक भवनमा लगेज बेल्टको शुभारम्भ गर्दै मन्त्री भट्टराईले देशभित्र सञ्चालनमा रहेका सबै विमानस्थलमा सेवा थपिँदै जाने बताएका हुन् ।

उनले आन्तरिक तर्फको  विमानस्थलहरुको भौतिक संरचना र सेवाको विस्तार गर्दै लैजाने घोषणा गरेका छन । आज बाट सुरु भएको लगेज बेल्टले सेवाग्राहीको सामानको सुरक्षा हुने, लगेज छिटो प्राप्त गर्न सकिने विमानस्थल प्रशासनले बताएको छ ।