छठ पर्वमा माछा, मासु र रक्सीमा प्रतिबन्ध

जनकपुर, १५ कार्तिक । छठ पर्वलाई लक्षित गरी प्रदेश २ को राजधानी जनकपुरधाममा माछा, मासु र रक्सी प्रयोग तथा बिक्री बितरण बन्द गरिएको छ ।

जिल्ला प्रशासन कार्यालय धनुषाले बिहीबार एक सार्वजनिक सूचना जारी गर्दै छठ पर्वलाई लक्षित गर्दै जनकपुरधामको परिक्रमा क्षेत्रभित्र शुक्रबारदेखि आगामी आइतबारसम्मका लागि माछा, मासु र रक्सी प्रयोग तथा बिक्री बितरणमा रोक लगाइएको जनाएको छ । सूचना विपरित गरेरगराएमा प्रचलित कानून बमोजिम कारबाही हुने जिल्ला प्रशासन कार्यालय धनुषाले जनाएको छ ।