मोटरसाइकल ठोक्किँदा एकजनाको मृत्यु

काठमाडौँ, ८ मंसिर । युएनपार्क नजिकै एउटै दिशातर्फ गइरहेको मोटरसाइकल एकआपसमा ठोक्किँदा एकजनाको मृत्यु भएको छ ।

शनिबार दिउसो कुपण्डोलबाट युएनपार्क जाँदै गरेको बा७७प ६७९३ नम्बरको मोटरसाइकलले बा९१प १३०१ नम्बरको मोटरसाइकलाई ‘ओभरट्याक’ गर्ने क्रममा दुर्घटना हुदा बा७७प ६७९३ नम्बरको मोटरसाइकल चालक चावहिल बस्ने २३ वर्षीय सत्यम भट्टराईको मृत्यु भएको हो ।

यस्तै, कैलाली घर भई बसुन्धारा बस्ने २३ वर्षीय लक्ष्मण आचार्य घाइते भएका छन् । आचार्यको ललितपुरस्थित पाटन अस्पतालमा उपचार भइरहेको छ ।