ट्रम्पलाई मैले हराएको छु, फेरि पनि हराउँछु : अर्बपति मिडिया मालिक

एजेन्सी, १० मंसिर । अमेरिकाका अर्बपति मिडिया मालिक माइकल ब्लुमबर्गले राष्ट्रपती ट्रम्पलाई आफुले हराएको दाबी गरेका छन् ।

ब्लुमबर्ग अमेरिकाका आठौं धनी व्यक्ति हुन् ।  उनको ५३.४ अर्ब डलरको सम्पत्ति छ। उनले आउँदो वर्ष हुने राष्ट्रपतीय निर्वाचनमा आफ्नो दाबी पेस गरेका छन् ।

ब्लुमबर्ग मिडिया कम्पनीका संस्थापक र प्रमुख कार्यकारी अधिकृत रहेका ब्लुमबर्गले आइतबारमात्रै डेमोक्रेटिक पार्टीबाट आफ्नो चुनावी प्रचार सुरू गरेका हुन् ।

ब्लुमबर्गले आफूसँग ट्रम्पलाई हराउने क्षमता भएको बताउदै भनेका छन, ‘ट्रम्पलाई कसरी हराउनु पर्छ भन्ने मलाई थाहा छ किनकी मैले उनलाई पहिला नै हराइसकेको छु,’ ७७ वर्षीय ब्लुमबर्गले भने,‘र फेरि पनि ट्रम्पलाई हराउँछु ।’

उनले आफू कुरा गर्ने नभई काम गर्ने मान्छे भएको दाबी गरेका छन् ।