पार्किङमा राखेको टेलरमा ठोक्किएर मोटरसाइकल चालकको मृत्यु

सुर्खेत, १८ मंसिर । विरेन्द्रनगर नगरपालिका-३ मा पार्किङमा राखेको टेलरमा मोटरसाइकल ठोक्किँदा मोटरसाइकल चालकको मृत्यु भएको छ भने पछाडि चढेका एकजना घाइते भएका छन् ।

मंगलगढीबाट बाङगेसिमलतर्फ जाँदै गरेको बा ३४ प १८६५ नम्बरको मोटरसाइकल ना ४ ख ५९८६ नम्बरको टेलरमा ठोक्किँदा मोटरसाइकल चालक विरेन्द्रनगर नगरपालिका-१० का २१ वर्षीय अरुण वलीको मृत्यु भएको प्रहरीले जनाएको छ ।

मोटरसाइकलको पछाडि चढेका विरेन्द्रनगर नगरपालिका-२ का १६ वर्षीय सुवास वि.क घाइते भएको छन् । उनलाई उपचारका लागि कालागाउँ पठाइएको सुर्खेत प्रहरीले जनाएको छ ।