वित्तीय पहुँच सुनिश्चित गर्न ‘सुदूरपश्चिम वित्तीय सम्मेलन’ सुरु

धनगढी, २० मंसिर । ‘सुदूरपश्चिम वित्तीय सम्मेलन’ सुदूरपश्चिम प्रदेश सरकारको आयोजनामा सुरु भएको छ ।

आर्थिक मामिला तथा योजना मन्त्रालयले आयोजना गरेको उक्त सम्मेलनको उद्घाटन नेपाल कम्युनिष्ट पार्टीका अध्यक्ष पुष्पकमल दाहाल प्रचण्डले गरेका हुन ।

वित्तीय पहुँच सुनिश्चितता गर्ने उद्देश्यले ‘वित्तीय पहुँचको सुनिश्चितता, प्रदेश सरकारको प्रतिबद्धता’ भन्ने नाराका साथ विषय विज्ञसहित चार सय ५० जनाको सहभागिता रहेको सम्मेलनमा वाणिज्य बैंक, विकास बैंक, सहकारी, जीवन तथा निर्जीवन बीमा संस्थान र निजी क्षेत्रबाट कार्यपत्र प्रस्तुत भइरहेको छ ।

सम्मेलनमा सुदूरपश्चिम प्रदेशको वित्तीय पहुँचको अवस्था, वित्तीय पहुँच पुग्न नसक्नुका कारण तथा चुनौती, वित्तीय पहुँच बढाउन गर्नुपर्ने काम लगायतको विषयमा समीक्षा भइरहेको छ ।