कपडा गोदाममा आगलागी हुँदा ९ जनाको मृत्यु

एजेन्सी, ८ पौष । भारतको उत्तरपूर्वी दिल्लीको किराडी इलाकामा रहेको कपडाको एक गोदाममा आगलागी हुँदा ९ जनाको मृत्यु भएको छ ।

बीबीसीका अनुसार मध्यरातमा लागेको आगोले दिल्ली फायर सर्विसले ९ जनाको मृत्यु भएको पुष्टि गरेको छ ।  १० जना भन्दा बढी मानिस घाइते भएका छन् ।

सबै घाइतेलाई आसपासको अस्पताल र सञ्जय गान्धी मेमोरियल अस्पतालमा भर्ना गरिएको छ । हालै मात्र उत्तरी दिल्लीको एक प्याक्ट्रीमा आगलागी हुँदा ४३ जनाको मृत्यु भएको थियो ।