जनकपुर, ११ पौष । प्रदेश-२ को प्रदेशसभा बैठक पौष १४ गते १ बजे बस्ने भएको छ ।
बुधबार बसेको कार्यव्यवस्था परामर्श समितिले पौष १४ गते बैठक बोलाउने निर्णय गरेपछि करिब डेढ महिनापछि प्रदेशसभाको बैठक बस्न लागेको हो ।
बैठक सञ्चालन गर्नेबारे सरकारले निर्णय गर्न नसक्दा चौथो अधिवेशन सञ्चालन हुनुपर्नेमा हालसम्म तेस्रो अधिवेशनसमेत अन्त्य हुन सकेको छैन । गत वर्ष चैत महिनामा सुरु भएको प्रदेशसभाको तेस्रो अधिवेशन हालसम्म जारी छ ।
प्रदेशसभाको पछिल्लो बैठक २९ कार्तिकमा बसेको थियो । अर्को सूचना नआएसम्मको लागि स्थगित गरिएपछि सो बैठक बस्न सकेको थिएन ।
प्रतिक्रिया दिनुहोस्