विराटनगर, ७ फागुन । प्रमुख प्रतिपक्षी दल नेपाली कांग्रेसका सभापति एवम् पूर्व प्रधानमन्त्री शेरबहादुर देउबाले पछिल्लो समय अख्तियारको व्यवहार र कार्यबाट आफुहरु सन्तुष्ट हुन नसकेको स्पष्ट पार्दै संसदीय प्रकृयाबाट अघि बढ्ने बताउनुभएको छ ।
मंगलबार विराटनगरमा सञ्चारकर्मीहरुसंग सभापति देउबाले संवैधानिक नियुक्तिहरुलाई निष्पक्ष र स्वतन्त्र बनाउन संसद प्रति उत्तरदायी बनाउनु पर्ने धारणा व्यक्त गर्नुभयो ।
संवैधानिक अंगहरुले सरकारको निर्देशनमा काम गर्न लागेकोले यसलाई निष्पक्ष र स्वतन्त्र बनाउन आवश्यक भएको धारणा व्यक्त गर्दै सभापति देउबाले आफुहरुसंग महाभियोग लगाउने संख्या नभएकोले संसदीय तरिकाले नै लडाई लड्ने धारणा व्यक्त गर्नुभयो । उहाँले विगतमा पनि पञ्चायतसंग लड्दै आएकाले लडाई त्यसरी नै लडिने प्रष्ट पार्नुभयो ।
प्रतिक्रिया दिनुहोस्