एजेन्सी, २८ फागुन । पाकिस्तानमा बुधबार एउटा लडाकु विमान दुर्घटना हुँदा पाइलटको मृत्यु भएको छ ।
पाकिस्तानको राजधानी इस्लामावाद नजिकै अभ्यास गरिरहेको समयमा पाकिस्तानी वायुसेनाको ‘एफ–१६’ जेट बुधबार आसन्न सैन्य परेडका लागि अभ्यास गर्ने क्रममा दुर्घटना भएको हो ।
पाकिस्तानका राष्ट्रपति अफिफ अल्वीले उक्त दुर्घटनाप्रति दुःख प्रकट गरेका छन् । उनले मृतक पाइलटको परिवारजनप्रति समवेदनासमेत प्रकट गरेका छन् ।
समाचार एजेन्सी ‘एसोसिएटेड प्रेस’ले जनाएअनुसार विङ्ग कमाण्डर नुमन अक्रमको उक्त दुर्घटनामा मृत्यु भएको हो ।
प्रतिक्रिया दिनुहोस्