प्रचण्ड आफैंले एमसीसीविरुद्धको नारा लगाउन रोकेपछि हैसियत प्रष्ट भयोः मुख्यमन्त्री पोखरेल

काठमाडौँ, २३ माघ । लुम्बिनी प्रदेशका मुख्यमन्त्री शंकर पोखरेलले नेपाल कम्युनिष्ट पार्टी (नेकपा)का अध्यक्ष पुष्प कलम दाहाल प्रचण्डले सडकमा एमसीसीको विरुद्धमा लगाइएको नारालाई रोक्न आदेश दिएपछि उहाँको हैसियत र नियती के हो भनि प्रष्ट भएको बताउनुभएको छ ।

सोही प्रशंगलाई जोड्दै मुख्यमन्त्री पोखरेलले प्रचण्डले प्रधानमन्त्री तथा पार्टीका अध्यक्ष केपी शर्मा ओलीविरुद्ध लगाइएको आरोपपत्र राजनीतिक स्टण्डमात्र भएको आफैं प्रचण्डले नै प्रमाणीत गर्नुभएको बताउनुभयो ।

उहाँले आफ्नो सामाजिक सञ्जालमा भन्नुभएको छ, ‘प्रचण्डको कथित आरोपपत्र राजनीतिक स्टण्ट मात्र थियो भन्ने कुरा सडकमा एमसीसी विरुद्ध नारा लगाउन प्रचण्ड आफैले रोकेवाट पुष्टि भएन र ?’